Web Analytics Made Easy -
StatCounter
التخطي إلى المحتوى
وصفات الطبخ اليوم |أسهل وأسرع كفتة بطاطس
كفتة بطاطس

تعرفى على أحدث وصفات الطبخ اليوم |السبت 28 نوفمبر 2015
أسهل كفتة بطاطس بالحمة المفرومة المعصجة هتحبيها إليكى المقادير والطريقة
طبعا فى كتير حيقول بتفك منى فى الزيت وأنا كنت واحدة من اللى بيقول كدة
مع التجربة عرفت سبب إللى بيخلى البطاطس تفك.
وعلى فكرة ممكن نعملها ونشلها فى الفريزر وتطلع على القلى
المقادير
نصف كيلو لحمة مفرومة
3ثمرات بطاطس حجم كبير
قطعة زبدة
3 ملاعق فقط حليب
وبيضة ،ومقدار من الدقيق
بقسماط
بقدونس مفروم
مقدار مناسب من الفلفل الأسود والكمون والملح
الطريقة

غسلتها البطاطس بالقشرة كويس جدا وسلقتها
وسلقتها بنسبة 70% فقط بردة دة حيخليها ما تفكش منك
بعد ماتسلقيها هتقشريها
وأفرميها أو أبشريها بالمبشرة بتاعت البصل بلاش الكبة مش حتريحك فى تصبيعها
وممكن تهرسيها بالشكوكة
ضيفى عليها قطعة زبدة فى حجم مكعب المرقة أو ملعقة صغيرة سمنة
و3 ملاعق بس لبن حليب او ملعقتين لو ملعقتك كبيرة
وإضربى البيضة وحطى نصفها بس وخلى نصف التانى على جنب هنستعمله
والبقدونس المفروم ضيفى الملح وفلفل ولو تحبى كمون براحتك وقلبيها كويس وإعجنيها بإيدك
ونأخذ قطعة نكوريها وتعملى حفرة وتحشيها  ولازم تكون اللحمة متعصجة كويس يعنى مفهاش مية وتكون ناشفة من المية
وإقفلى حفرةالبطاطس  وحطيها فى الدقيق ثم البيض مخفوق مع لبن ملعقة لبن وإفتكرى نصف البيضة كمان وبعدين حطيها فى البقسماط ولازم لازم تدخل التلاجة نصف ساعة قبل القلى
وتتقلى فى زيت غزير وحامى ومش هتاخد وقت على النار بس تأخذ اللون الذهبى وممكن تحتفظى بيها فى الفريزر وتطلع على القلى مباشرة ويفضل تقلى فى حلة صغيرة أو كسرولة وألف هنا وشفا